BARDGHAT NAWALPARASI NEPAL 🇳🇵

भौतिकको बजेट १ खर्ब ६३ करोड अर्थमन्त्री विष्णु पौडेलले शनिबार बजेट भाषणका क्रममा नागढुंगा–सिस्नेखोला सुरुङमार्ग निर्माण थालिएसँगै देश सुरुङ युगमा प्रवेश गरेको बताएका छन् । बजेटमा उनले धेरैतिर सुरुङ निर्माण र अध्ययनको काम थाल्ने भन्दै योजना अघि सारेका छन् । केही वर्षयता सुरुङको अध्ययन गर्न भन्दै बजेट विनियोजन गर्ने गरिए पनि अहिलेसम्म उत्साहजनक रूपमा निर्माणको काम अघि बढ्न सकेको छैन । नागढुंगा–सिस्नेखोला सुरुङ पुरानै आयोजनाभित्र पर्छ । बजेट भाषणका क्रममा अर्थमन्त्री पौडेलले अब बन्ने सडकमा सुरुङ प्रविधिको प्रयोगलाई महत्त्वका साथ अवलम्बन गरिने दाबीसमेत गरे । नागढुंगा–सिस्नेखोला सुरुङमार्ग दुई वर्षभित्र सञ्चालनमा आउने र यसका लागि ९ अर्ब ८५ करोड रुपैयाँ बजेट विनियोजन गरिएको उनले बताए । आगामी वर्ष सिद्धार्थ राजमार्गको सिद्धबाबा दोभान खण्ड, दोलखाको लामाबगर–लाप्चे र धरान–धनकुटा सडक खण्डको धरान–लेउती सुरुङमार्ग निर्माण सुरु गर्न बजेट व्यवस्था गरिएको उनले जानकारी दिए । काठमाडौं–कोटेश्वर खण्डको सवारी चाप व्यवस्थित गर्न तीनकुने–जडीबुटी खण्डमा सुरुङ निर्माणका लागि १ अर्ब ८० करोड रुपैयाँ विनियोजन...